暗瘡?壓力/荷爾蒙失調瘡?整整一年的輕熟肌抗痘血戰上集 | How do I get rid of acne

很久沒有更新這兒,因為上年皮膚很差,令整個人很沒勁,本來想好要寫的題目也不了了之。幸運是今年的皮膚終於進入康復狀態,當中走了很多冤枉路,所以把抗痘心路歷程寫出來,希望大家抗痘路會順一點省一點錢。

首先說一下我的膚質,外油內乾型,面頰毛孔粗大,偶爾會生一兩粒瘡。青春期也試過爛面,大學時也試過因爲卸妝油敏感而堵塞毛孔再爛一次面,但青春嘛,新陳代謝快,面上也沒有留多少暗瘡印。當你以為都已經入了30關口,暗瘡應該與你無緣,少年你太年輕了!就在上年年初,我又正式爛面了 🤷🏻‍♀️

導火線,我估,是那枝山茶花卸妝油吧。。。是我犯賤,明明以前曾因卸妝油敏感而爛面,現在還敢試?哎呀,從前用的是幾十元的開架貨,今次用的幾百蚊在Joyce Beauty有售的呀!那支山茶花卸妝油初初用的時候皮膚還挺好,覺得好像變水潤和滑了,那知一星期後惡夢便發生!我的下巴及腮骨開始生一些小粒粒,初時沒為意,很快那些死人粒粒愈生愈多;加上我有點變態,擠暗瘡時即使擠爛面也要把大佬擠出來,惡性循環,一發不可收拾。嚴重的程度是即使化了妝,用美圖apps影相,那些立體的瘡也filter不掉。

一陣子沒見面的朋友,一見都會問:「嘩!你係咪好大壓力啊,突然爆咁多瘡既?」其實自問我真係無咩壓力,最大壓力就係人人都問我做乜爛面,自信跌到負數,那時完全不想碰到任何人,連落街買小小野都必需化妝,因為塊面實在太恐怖!

❌ 西醫
我是看中環很有名的李姓皮膚科醫生,大學時的爛面全靠他醫好,看兩次便退,可惜今次奇蹟沒有再降臨。他說我毛孔堵塞很嚴重,給我吃類固醇,吃時是有消退的,但不吃又回來了,我不想一輩子吃類固醇,所以只好另覓他法。

❌ 美容院
奉勸大家一句,當你爛面既時候耳仔係最軟,比sales踩多兩腳真的好易出事;但事實是當你塊面爛到一個點,你做再多外來野,就算係補品,對傷口來說只會淪為刺激同負擔!爛面時美容院我去過兩間,真係當買個教訓。

第一間係朋友auntie開的小店,朋友說之前皮膚比我更爛,係呢個auntie救返,又話佢無package,每次比錢,$500次好勻真,便去試試。上到去auntie話我塊面好多菌,不可以做針清,用左部機幫我消炎再做補濕,做完佢會叫你買一套佢調配既護膚品,一set三支,sample size只係用到一星期,套裝要$600好貴,為了快點好返,照買!然後建議每星期最好上去一次,老實講係佢到做左5次到,每次都有配嗰set野,係有好到同控制到。但佢唔sell facial package,係sell傳銷護膚品同supplement,次次都話「你唔另外買套野用加食白藜蘆醇會好得慢,係你自己選擇用慢既方法」我覺得好煩,加上已經控制左,無咁紅,粒粒細左好多,所以無再去。

但9月既時候又開始惡化,漫延到眉心同魂精附近都有,摸落手直頭好似粗沙紙咁,上面兩張圖,便是9/10月拍的!適時朋友間美容院新開張叫我去做神秘顧客試下比意見,又走左上去試做。大家真係要記住「免費既野永遠係最貴」,上到去美容師話:「點解你可以容忍自己既皮膚咁差架,你信我,你而家既狀態未算最差,再差既我都救過,只要你信我,我一定幫到你。」就係咁我比左15k,她幫我做甜紅椒煥膚,說什麼很天然、很多外國明星愛做,塗上面膜後塊面非常灼熱,要一直用廢青風扇吹著面部,否則應該熱到痴左線;後續她會用塗上很凍很凍的gel,再用儀器cool down塊面等佢快速降紅。因為當時我有些谷到很紅腫的瘡,沒有膿頭的只是一味紅和痛,她會用針為那些大瘡放血,一邊擠一邊說:「嘩!啲血好黑好毒呀!擠出來會好快好多」塊面比人玩冰火又放血,每次做完情況都差過之前,心情跌到落谷底!但佢話咁樣係迫返d毒出黎,之後會發現新生既瘡好快謝,呢個咁既療程初時要3/4日做一次,每次二千幾蚊,最慘塊面嚴重左,尤其放過血既位置,紅到成星期都唔退,個印深到痴線(圖中眉心同下巴的大印,便是放血後留下的,起碼有兩個月仍維持這個大印狀態),而我又真係咁白痴做左4次先決心停唔再做水魚!

✔️✔️✔️✔️中醫 ✔️✔️✔️✔️
試左咁多外在的方法都救唔到,我覺得應該係體內在出左問題,所以決定去睇中醫。中醫都睇左兩個,第二個終於睇好左,我簡直覺得佢係天使頭上有光環。

第一個係出名的生仔聖手,我睇佢係因為覺得生仔都不外乎調理荷爾蒙,佢仔都幫人生到,我只是不想再生暗瘡,應該不太難吧?佢話我濕重肝火盛,食左一個月藥,大約$6-700/7日藥,暗瘡有明顯改善,無咁紅亦退左啲,但因為佢好出名,每次book好時間都要等3個鐘,同埋煲藥真係好煩,所以無再去。

第二個係客人介紹的,客人試妝時都有瘡,到我再幫佢化prewedding已經無哂瘡,淨返d淡印,話佢睇左呢個中醫兩次好返!咁神我又去試下啦,醫師話我體內既積熱去到頂點,所以先會發得咁勁,平時中醫都叫人唔好飲凍野食魚生,佢竟然叫我生冷野食小小無妨!醫師仲比左張戒口紙我,基本上全部都係我成日食既野,如果跟足戒清,即係唔駛食野,所以我無點戒口,只係盡量食清啲。我睇左4次,每次$595/一星期藥,佢開藥粉,勁大包,沖出黎杰杰地,又苦,好難受!但苦口良藥呀親,基本上第三次去啲瘡已經退左8成,就算再生都係好細粒,一擠個大佬就出黎,如果唔係我手多成日擠,相信應該好得仲快!而家塊面無再一撻撻紅色同埋勁多瘡,淨返啲暗粒同印,已經好感恩。
同埋我有位客人12月中來跟我final trial時,下巴生了很多一簇簇的壓力瘡,我也介紹了她去看這位天使中醫,到月尾big day時再見到她,瘡都已經退光了!!

呢個就係我既中年抗痘血淚史上集,下集再講我用咩對付d印。爛面嗰種感受我好明白,雖然個個抗痘方法都唔同,但真係再奉勸大家一句,出左事睇左中或西醫先,無謂去美容院比嗰啲「專業」治療師劏到一頸血,除非財力好鴻厚,要不千金散盡仲係一面瘡,治標唔治本都算,令情況更差先最慘。

3 thoughts on “暗瘡?壓力/荷爾蒙失調瘡?整整一年的輕熟肌抗痘血戰上集 | How do I get rid of acne

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s